Сумын иргэдийн Төлөөлөгчдийн Хурлын ээлжит III хуралдааныг 2025 оны 02-р сарын 13-ны өдөр зохион байгуулж, хуралдаанаар: 1) 2025-2028 сумын Засаг даргын үйл ажиллагааны хөтөлбөр батлах тухай. 2025 оны жилийн хөгжлийн төлөвлөгөө батлах тухай. 2) 2025 оны газар зохион байгуулалтын төлөвлөгөөнд нэмэлт өөрчлөлт оруулах тухай. 3) 2024 оны шимэгчтэх өвчнөөс эмчлэн сэргийлэх тайланд үнэлэлт, дүгнэлт өгөх, Шимэгчтэх өвчнөөс эмчлэх сэргийлэх 2025 оны үйл ажиллагааны төлөвлөгөө батлах тухай. 4) Хөрөнгө актлах тухай. 5) Хоршоо хөгжүүлэх сангийн үйл ажиллагааны тайланд үнэлэлт, дүгнэлт өгөх тухай. 6)Сумын иргэдийн Төлөөлөгчдийн Хурлын дэргэдэх хороод байгуулж, хороодын ажиллах журам батлах тухай. 7) Сумын хамтарсан баг байгуулах тухай. 8) Сумын хүүхдийн төлөө зөвлөлийг шинэчлэн байгуулах тухай гэх 8 асуудлуудыг хэлэлцэж, зохих шийдвэрүүдийг гаргав.

ИТХ-ын дарга, төлөөлөгч нар, нарийн бичгийн дарга, сумын Засаг дарга, Засаг даргын орлогч, багийн Засаг дарга нарын 25 албан тушаалтны хувийн ашиг сонирхлын хөрөнгө орлогын мэдүүлгийг цахимаар авч, эрх бүхий албан тушаалтан хянаж баталгаажуулж дуусгав.

Хөвсгөл аймгийн өсвөрийн аймгийн аварга шалгаруулах тэмцээнийг Улаан-Уул сумын харьяат аймгийн заан, спортын мастер, биеийн тамирын тэргүүний ажилтан Дугарын ТОГТБАЯР агсны нэрэмжит болгон Улаан-Уул сумандаа зохион байгуулахад сумын иргэдийн Төлөөлөгчдийн Хурал, сумын Засаг дарга түүний Тамгын газар, Ерөнхий боловсролын сургууль, Эрүүл мэндийн төв, Хүүхдийн цэцэрлэг, Соёлын төв, Хилийн 0298-р салбар гэх байгууллагуу, Д.Тогтбаяр агсны гэр бүл, үр хүүхдүүд, ач зээ, ах дүү нар нь хамтран зохион байгуулав.

Сумын засаг дарга Д.Батцэнгэл 2024-2028 онд хэрэгжүүлэх "Баялагаа бүтээгдэхүүн болгоё" үйл ажиллагааны хөтөлбөрөө ИТХ-д өргөн барилаа.

Хөвсгөл аймгийн ИТХ-ын дарга Д.Пүрэвдорж төрийн албан хаагчид болон иргэд хөдөлмөрчидтэй уулзалт хийж, өрхийн орлогыг нэмэгдүүлэх, өрхийн үйлдвэрийг дэмжих талаар санал бодлоо солилцов. Мөн зарим иргэдийг салбарын шагналаар шагнав.

Монгол Улсын Үндсэн хуулийн өдрийг тэмдэглэн өнгөрүүлэх, Үндсэн хуулиа сурталчлах, Сумын ард иргэдийн чөлөөт цагийг зөв боловсон өнгөрүүлэх зорилготой удирдамжийн дагуу дараах ажлуудыг зохион байгууллаа.

Хөвсгөл аймгийн Улаан-Уул суманд Монгол Улсын Үндсэн хуулийн өдрийг тэмдэглэн өнгөрүүлэх арга хэмжээний удирдамж гарган удирдамжийн дагуу ажлаа зохион байгуулан ажиллалаа.

Улаан-Уул суманд бүх нийтийн хууль, эрх зүйн анхдугаар олимпиадыг зохион байгууллаа

Улс, бүс, аймагтаа сурлага, урлаг, спортоороо амжилт гаргасан нийт 36 хүүхдэд, 30 жолооч гарын бэлэг өгч, хүндэтгэл үзүүлэв.

Сумын ИТХ-ын ээлжит бус 20-р хуралдааныг 2024 оны 04 дүгээр сарын 30-ны өдөр Улаан-Уул суманд хуралдуулахаар товлон зарлалаа.

Сар шинийн баяр болж байгаатай холбогдуулан бүх албан байгууллагуудад хариуцлагатай жижүүр томилон, гарч болох аливаа зөрчлөөс урьдчилан сэргийлж, цагдаагийн хэсэгтэй хамтран ажиллах талаар албан бичиг хүргүүлэв.

2024.02.07-ны өдөр хуваарийн дагуу Улаан тайгын улсын тусгай хамгаалалттай газруудын хамгаалалтын захиргаанд шалгах хуудсаар хяналт шалгалтыг хийлээ.

Улаан-Уул сумын Засаг даргын Тамгын газарт 2024 оны 02 дугаар сарын 05-ны өдөр хуваарийн дагуу шалгах хуудсаар хяналт шалгалтыг хийлээ. Хууль эрхзүй, монгол хэл, бичгийн шалгалтыг тухайн байгууллагын албан хаагчид бүрдэхэд авахаар боллоо.

Улаан-Уул суманд цасны баяр Хүдрэнт уулын бэлд, мөсний баяр Гуны гол дээр 2024 оны 02 сарын 02-нд амжилттай зохион байгуулагдаж өнгөрлөө. Сумын иргэдийн Төлөөлөгчдийн Хурлаас чарганы тэмцээнийг зохион байгуулж, сумын эрүүл мэндийн төвтэй хамтран ажиллалаа. Оролцсон баг, байгууллагууд болон хүрэлцэн ирсэн ард иргэддээ баярлалаа.

Улаан-Уул сумын цолгүй залуу бөхийн аварга шалгаруулах тэмцээнийг 2024.02.04-ны өдөр зохион байгуулна.

Байгуулагуудад хяналт шалгалт хийх ажлын хэсэг байгуулагдаж, ажлын хэсэг хуралдаж байгууллагад ажиллах удирдамж боловсруулан ИТХ-ын даргаар батлуулав.

Мөнгөн өвөл-2024 өвлийн спортын бага наадам Эрүүл мэндийг дэмжих өдрийг 2024.02..02-ны өдөр зохион байгуулахаар төлөвлөж, сумын иргэдийн Төлөөлөгчдийн Хурал чарганы тэмцээнийг зохион байгуулахаар болов.

Шагайн харваа 2024.02.08-ны өдөр зохион байгуулахаар болов.